Տղամարդու մոտ ախտորոշվել է լյարդի էխինոկոկոզ
Սպիտակի բժշկական կենտրոն ընդունված 60-ամյա տղամարդը գանգատվում էր մեջքի շրջանում առկա սուր ցավերից։
Առաջին բուժօգնություն ցուցաբերելուց հետո իրականացվել են անհրաժեշտ բոլոր հետազոտությունները, նախնական ախտորոշումը հաստատվել է համակագչային տոմոգրաֆիկ հետազոտությամբ. տուժածի մոտ ախտորոշվել է լյարդի էխինոկոկոզ։ Տղամարդը տեղափոխվել է վիրահատարան։
Վիրաբուժական բաժանմունքի վարիչ Ֆրունզե Եղիյանի, անեսթեզիոլոգ՝ Արթուր Դունամալյանի եւ վիրաբուժական թիմի կողմից տղամարդը վիրահատվել է։
Ավելի քան 1․5 ժամ տեւած վիրահատությունն ընթացել է բարեհաջող, կատարվել է էխինոկոկային բշտերի հեռացում, լյարդի խոռոչի կարում։
Վիրահատություն իր տեսակով բարդ էր, քանի որ պարկերը գտնվում էին կարեւորագույն անոթների մոտ՝ 4-րդ սեգմենտում։
Շնորհիվ բժշկական կենտրոնում առկա ախտորոշիչ բազմաֆունկցիոնալ ու գերժամանակակից KT սարքավորման, հնավորություն է ստեղծված մաքսիմալ սեղմ ժամկետում հայտնաբերել ու ախտորոշել օրգանիզմում առկա անգամ ամենափոքր խնդիրներից մինչեւ բարդագույն դեպքերը:
Էխինոկոկոզը մարդկանց և կենդանիների ճիճվային հիվանդություն է, որն առաջանում է ժապավենաձև տափակ հելմինթից (Echinococcus granulosus): Ախտահարում է լյարդը, թոքերը և այլ օրգաններ՝ առաջացնելով զանազան ախտաբանական երևույթներ։
Մակաբույծն ունի 2-6մմ երկարություն։ Բնակավայրերում մարդիկ հիմնականում վարակվում են շներից, հատկապես բնակարաններում պահվող շներից։