Փայտով կամ էլեկտրաէներգիայով ջեռուցվող հաստատությունները Արցախում կշարունակեն պարապմունքները սահմանված կարգով
Արցախի Հանրապետության կրթության, գիտության, մշակույթի և սպորտի նախարարությունը հայտնում է, որ Ադրբեջանի կողմից Արցախի Հանրապետությունը սնուցող միակ գազատարի աշխատանքը խափանելու պատճառով դեկտեմբերի 14-ից ժամանակավորապես կդադարեցվեն այն ուսումնական հաստատությունների պարապմունքները, որոնք ջեռուցվում են գազով։«Արմենպրես»-ի հաղորդմամբ, այս մասին հայտնում է Արցախի տեղեկատվական շտաբը:
«Դասապրոցեսի վերականգնման վերաբերյալ կտրվի լրացուցիչ տեղեկատվություն:
Տեղեկացնում ենք, որ փայտով կամ էլեկտրաէներգիայով ջեռուցվող հաստատությունները կշարունակեն պարապմունքները սահմանված կարգով»,-ասվում է հաղորդագրությունում:
