Ականջի ծծմբախցանի առաջացման պատճառներն ու հնարավոր հետևանքները
Բոլորն էլ գիտեն, որ ականջի ծծմբախցանը շատ վտանգավոր է և կարող է հանգեցնել լսողության վատացման: Ծծմբախցանի հետևանքով թմբկաթաղանթը թթվածին չի ստանում, ինչն էլ դառնում է բորբոքման պատճառ: Բացի այդ, երբ չափազանց շատ ծծումբ է կուտակվում, լոսողական անցուղում հայտնված ջրի պատճառով այն սկսում է ուռչել, ինչի հետևանքով մարդը կարող է խլանալ: Այս մասին գրում է med.tert.am-ը:
Սակայն քչերը գիտեն, թե որն է ծծմբախցանի առաջացման պատճառն ու առհասարակ ականջի ծծումբի նշանակությունը:
Մարդու օրգանիզմում կան ծծմբային գեղձեր, որոնք ռուդիմենտար (մնացուկային) օրգաններ են և արտադրում են ականջային ծծումբը: Քիչ քանակությամբ ծծումբը շատ կարևոր է լսողական օրգանի աշխատանքի համար, քանի որ պաշտպանում են ականջի խոռոչը: Այն բավական թանձր է ու կպչուն, ուստի թույլ չի տալիս, որ փոշին, կեղտն ու վնասակար տարրերը վնասեն ականջների թմբկաթաղանթը:
Առհասարակ ականջային ծծումբը շատ կարևոր ու օգտակար է, սակայն երբեմն ծծմբային գեղձերի գերարտազատության հետրևանքով այն սկսում է չափազանց շատ արտադրվել ու կուտակվել՝ վերածվելով ծծմբախցանի: Այս դեպքում խցանից ինքնուրույն ազատվելը կարող է վտանգավոր լինել, ուստի հարկավոր է անպայման դիմել մասնագետին:
Նյութի աղբյուրը՝ med.tert.am