Թարախակույտ երեխայի մոտ։ Ի՞նչ է պետք իմանալ
Երեխաների մոտ թարախակույտը պաթոլոգիական վիճակ է, որի դեպքում փափուկ հյուսվածքներում զարգանում է թարախային բորբոքային պրոցես։
Թարախակույտն ուղեկցվում է հետևյալ խնդիրներով
այտուց
մաշկի կարմրություն
Կարող է նկատվել նաև ընդհանուր թուլություն և մարմնի ջերմաստիճանի բարձրացում։
Թարախակույտը կարող է առաջանալ ոչ միայն մաշկի մակերեսին, այլև բերանի խոռոչի և ներքին օրգանների լորձաթաղանթներին։
Նման դեպքերում թարախակույտն իրենից ներկայացնում է ամենամեծ վտանգը և պահանջում է անհապաղ վիրաբուժական բուժում։
Ենթամաշկային հյուսվածքում թարախակույտերի առաջացման ամենատարածված պատճառները մաշկային վնասվածքներն են, որոնց միջոցով հյուսվածքի մեջ ներթափանցում են պաթոգեն միկրոօրգանիզմներ։
Երբեմն երեխաները ունենում են բորբոքային գործընթացի ընդհանուր ախտանիշներ, որոնք ներառում են
մարմնի ջերմաստիճանի բարձրացում, առավել հաճախ 37-38 աստիճանի սահմաններում
ախորժակի կորուստ
քնկոտություն
թուլություն, հոգնածություն
գլխացավ
Հաշվի առնելով վիճակի ծանրությունը և հիվանդության ընթացքի առանձնահատկությունները թարախակույտերի բուժումը կատարվում է կոնսերվատիվ կամ վիրաբուժական մեթոդներով։
Բարդ դեպքերում, երբ երեխաների մոտ խորը ենթամաշկային թարախակույտ է առաջանում կամ թարախակույտը գտնվում է ներքին օրգանների վրա և անհանգստություն է առաջացնում, նշանակվում է վիրաբուժական բուժում։
Գործընթացը կատարվում է տեղային կամ ընդհանուր անզգայացմամբ։