ԿԵՂԾ ԿՐՈՒՊ
Կոկորդի լորձաթաղանթի բորբոքումը և լուսանցքի նեղացումը անվանում են կրուպ,որը ուղեկցվում է ձայնի պարբերաբար խռպոտությամբ`հաչոցանման հազով և շնչարգելությամբ: Կրուպը հաճախակի հանդիպվում է 1-5 տարեկան երեխաների մոտ:
Իսկական կրուպը առաջանում է դիֆթերիայի դեպքում:
Կեղծ կրուպը առաջանում է սուր շնչառական վիրուսային հիվանդությունների, գրիպի ժամանակ:
Կեղծ կրուպն ավելի հաճախ առաջանում է ցուրտ եղանակներին: Գրիպի, սուր շնչառական հիվանդությունների,կարմրուկի, քութեշի, ջրծաղիկի, բերանաբորբի հետևանքով առաջանում է շնչառության դժվարացում`հաչոցանման հազ, ձայնի խռպոտություն: Հաճախ երեխան գիշերը արթնանում է հանկարծակի, կոշտ, հաչոցանման հազով, երբեմն կարող է շնչարգելություն լինել:
Կեղծ կրուպի ժամանակ ձայնի լրիվ կորուստ գրեթե չի լինում:Կեղծ կրուպի դեպքում երեխայի ձայնը լինում է խռպոտ,սակայն ճչալու ժամանակ գրեթե միշտ լսվում են ձայնեղ հնչյուններ: Շնչարգելության երևույթները կարող են անցնել շատ արագ,կամ տևել մի քանի ժամ, նոպաները երբեմն կրկնվում են հաջորդ օրը:
Կրուպի առաջին ախտանշանների դեպքում անհրաժեշտ է անհապաղ դիմել բժշկի:
Կեղծ կրուպի նախանշաններն են`
-կոշտ, հաչոցանման հազը,որը հիմնականում սկսվում է գիշերը,
-դժվարացած շնչառությունը,
-խռպոտությունը,
-երեխան անհանգիստ է,տեղից տեղ է շրջվում,
-առաջանում է շնչարգելություն,կապտություն
Մինչև բժշկի գալը պետք է հանգսըացնել երեխային,օդափոխել սենյակը,
օդի խոնավությունը ապահովելու համար անհրաժեշտ է ջուր եռացնել սենյակում, որպեսզի երեխան հնարավորություն ունենա գոլորշի շնչելու: Խոնավեցրած օդը կնպաստի, որ թեթևանա հազի նոպան:
Եթե ջերմությունը բարձր է,կարելի է մանանեխի ծեփուկներ դնել կրծքավանդակին,կարելի է ոտքերը տաք ջրի մեջ դնել: